മിനിക്കഥ                                                                    മിനി  പി സി

                                      നല്ല  ശമരിയാക്കാര്‍

                                                                                                                                                 
നരകം        നാണിക്കുന്ന            ക്രൂരപീഡനങ്ങള്‍ക്കൊടുവില്‍    ആ പൊതുനിരത്തിലേയ്ക്ക് അവര്‍ എന്നെ നിര്‍ദാക്ഷിണ്യം  വലിച്ചെറിഞ്ഞു .ആ മരം കോച്ചുന്ന തണുപ്പില്‍  പരിപൂര്‍ണ്ണ നഗ്നയായി  മരണം മണത്തു  കിടന്ന എന്നെ  കടന്ന്  നിങ്ങളോരോരുത്തര്‍   പോയപ്പോഴും  ഞാന്‍ എന്തൊക്കെയോ പ്രതീക്ഷിച്ചു , പക്ഷെ .....ഒരു   തുണിക്കീറു കൊണ്ട്  എന്‍റെ നഗ്നത    മറയ്ക്കാന്‍   പോലും മിനക്കെടാതെ നിങ്ങള്‍  കടന്നുപോയി . ഒടുവില്‍  രക്തം വാര്‍ന്ന് , തണുത്തുറഞ്ഞു  ഞാന്‍ മരിച്ചതിനു പുറകെ  നിങ്ങള്‍  എനിക്ക് വേണ്ടി  സംഘടിച്ചു .....അലറിവിളിച്ചു ,പ്രതിഷേധിച്ചു .   അതുകണ്ട്  എന്‍റെ  ആത്മാവ്  വേദനയോടെ  മന്ത്രിച്ചു   " നല്ല   ശമരിയക്കാര്‍  !  ".