കഥ
മിനി .പി.സി
ഇന്ന് –ഫെബ്രുവരി- 14.........വാലന്റൈന്സ്
ഡേ
സ്ഥലം –എന്‍റെ സ്കൂള്‍ലൈബ്രറി
ഞാന്‍ - നിഖില്‍മനോജ്‌, +2 കമ്പ്യൂട്ടര്‍വിദ്യാര്‍ഥി
സമയം- 1.10 pm
ലഞ്ച് ബ്രെയ്ക്കാണിപ്പോള്‍
ഞാനിന്ന് ലഞ്ച് കൊണ്ടുവന്നിട്ടില്ല ..തീരെ വിശപ്പില്ല...ദാഹവും !
ബെല്ലടിച്ച ഉടനെ
ഇവിടെ വന്ന് ഇന്നത്തെ ന്യൂസ്പേപ്പറില്‍ തലയും
പൂഴ്ത്തിയിരിക്കുകയാണ് ,ഐ.പി.എല്‍ ലേലവും
,കുരുമുളക്
സ്പ്രേയുമൊക്കെ വീണ്ടും വീണ്ടും വായിക്കാനല്ല ഈ ഇരിപ്പ് , ഇത്
ഒരാളെയും
പ്രതീക്ഷിച്ചുള്ള ഇരിപ്പാണ് ,എന്‍റെ മഞ്ചുകുട്ടിയെ !
അതിനിടയ്ക്ക് ആരുമെന്നെ പിടികൂടാതിരുന്നെങ്കില്‍ അവര്‍ക്ക്
കൊള്ളാമായിരുന്നു
! ആരും വരാന്‍ സാധ്യതയില്ല പുറമേ
പ്രണയദിനാഘോഷങ്ങള്‍ തകൃതിയായി നടക്കുകയാണ് ,തകൃതി
എന്നുവെച്ച്
ഒച്ചയും ബഹളവുമോന്നും ഉണ്ടാക്കിയല്ല ...ടീച്ചേഴ്സ്
അറിയാതെ വളരെ ഒതുക്കത്തില്‍.....ക്ലാസ്‌മുറികളില്‍....കോറിഡോറില്‍...
ഗോവണിയില്‍...ഗോവണിചുവട്ടില്‍...കാന്റീനില്‍...കാന്റീനിനുപുറകില്‍....
ഓഡിറ്റോറിയത്തില്‍..ഭാഗ്യത്തിന് ഇതിനകത്ത് ഇപ്പോള്‍ ഞാനല്ലാതെ
വേറാരുമില്ല .... ലൈബ്രേറിയന്‍ ചൂടന്‍ മാത്യൂസര്‍ ലഞ്ചിനു
പോയ
തക്കം നോക്കിയാണ് ഞാന്‍ വന്നത് ...ഇന്ന് കൂടുതല്‍ സമയം ആര്‍ക്കും
ചിലവഴിക്കാനില്ല
...ഉച്ചയ്ക്ക് പ്രാക്ടിക്കല്‍ എക്സാമുള്ളതാണ് !
“ ബ്രോ...നീയെങ്ങോട്ടാ ?”
ക്ലാസുകഴിഞ്ഞ് പുറത്തേയ്ക്കോടവെ എന്‍റെ അലമ്പു ഫ്രണ്ട്‌സിലൊരു-
ത്തന്‍റെ സംശയം .അവന് ഫഹദ്‌ഫാസിലിന്‍റെ
ഫാനാണ് ! അതുകൊണ്ട്
അവനിന്ന് ഫ്രീയാണ് കാരണം അവന്‍റെ കുട്ടി ഇപ്പോള്‍ യു.കെ.ജിയില്‍
ആയിട്ടെ
ഉണ്ടാകുള്ളുവത്രേ....വളര്‍ന്നു വലുതാവട്ടെ പതിനൊന്നു വര്‍ഷം
കഴിഞ്ഞെ പ്രണയത്തെ കുറിച്ച്
അവന് ചിന്തിക്കുന്നുള്ളുവെന്ന് !
“ ഡ്യൂഡ്... അവന് എങ്ങോട്ടെങ്കിലും പോട്ടെ ...അവന് ഈ
സെലിബ്രേഷനിലൊന്നും ഒരു
താല്പ്പര്യവുമില്ല , ചില "ഓള്‍ഡ്‌
ജെനറേഷന്‍ ക്രാബ്സിനെ" പോലെ ! ...ഈ വാലന്റൈന്സ് ഡേയ്ക്ക്
കണ്ണുകിട്ടാതെ എവിടെങ്കിലും ഇരുന്നോട്ടെ ...ഹഹഹ ”
മറ്റൊരു അലമ്പന്‍...ഇവന്‍ ഫുട്ബോളര്‍.. ഇബ്രഹാമോവിച്ചിന്‍റെ
ആരാധകനാണ് അതുകൊണ്ട് അവന്‍റെ
പ്രണയം മുതിര്‍ന്നവരോടാണ്
അതും ഞങ്ങളുടെ ഫിസിക്സ് ടീച്ചറോട്....ഒരു
വണ്‍വേ പ്രണയം !.
ഞാന്‍ ഒന്നും മിണ്ടിയില്ല ....അങ്ങനെ ഞാന്‍ എല്ലാവര്‍ക്കും,
മുന്‍പില്‍ ഒരു പ്രണയവിരോധിയായി,പ്രണയദിനവിരോധിയായി...
എന്നെ കാത്തുസൂക്ഷിച്ചു ...എന്നും ഈ സമയത്ത്
എന്‍റെ മഞ്ചുകുട്ടി
ലൈബ്രറിയില്‍ വന്നിരിക്കാറുള്ളത് അറിഞ്ഞു തന്നെയാണ് ഞാന്‍
വന്നത് . എന്ന് കരുതി അവള്‍ക്കും അറിയില്ല എനിക്കവളോടുള്ള
ഒടുക്കത്തെ പ്രണയം ! ഒരല്‍പ്പം റഫ്‌ആന്‍ഡ്‌ടഫ്‌ ഇമേജാണ്
എനിക്കിഷ്ടം !
ടെന്‍ത് സ്റ്റാന്‍ഡില്‍ പഠിക്കുമ്പോള്‍ നടന്ന
ഒരു പസ്സില്‍
കോമ്പറ്റീഷനില്‍ വെച്ചാണ് അവളെ ഞാന്‍ ആദ്യം കാണുന്നത് !
ഏന്‍ഗെദിയിലെ മുന്തിരിച്ചക്കിലേയ്ക്ക്
മറിഞ്ഞു വീണെന്നവിധം
തുടുപ്പാര്‍ന്ന പിനോഫോറിന്‍റെ തുമ്പ് കാറ്റ് ഞൊറിഞ്ഞുനീക്കുന്നതറിയാതെ
സങ്കീര്‍ണ്ണമായ ആ പസ്സിലും നോക്കി വായും തുറന്നിരുന്ന അവളോട്
മറ്റാരും കേള്‍ക്കാതെ
ഞാന്‍ പറഞ്ഞു ,
“ കുട്ടീ .പിനോഫോര്‍!”
അതുകേട്ടതും തെല്ലുനാണത്തോടെ കാറ്റിന്‍റെ കയ്യില്‍നിന്നും അത് പിടിച്ചു
വാങ്ങി
അവള്‍ നന്ദിയോടെ എന്നെ നോക്കിചിരിച്ചു , അന്ന്
കോമ്പറ്റീഷനില്‍ ജയിച്ച എന്നോട് ട്രീറ്റായി
മഞ്ചു ചോദിച്ച അവള്‍ക്കും
അവളുടെ ഫ്രണ്ട്സിനും മഞ്ചു വാങ്ങിച്ചുകൊടുത്ത് എന്‍റെ
ഫ്രണ്ട്‌ "കുരുവി" എന്ന കുരുവിളാ തോമസിന്
ഞാന്‍ നല്ലൊരു
ബാധ്യതയായി ! കുരുവിയുടെ കയ്യില്‍നിന്നും
കടം വാങ്ങിയ ആ തുക
തിരിച്ചു കൊടുത്തത് കഴിഞ്ഞ വെക്കേഷനാണ് , അതും സ്വന്തമായി
അദ്ധ്വാനിച്ചുണ്ടാക്കി ! ....അപ്പോള്‍ കുരുവിയ്ക്കൊരു സംശയം
“ ആ പെണ്ണിനോട് നിനക്ക് ?”
“ നിനക്ക് വട്ടാണ് ബ്രോ . പ്രേമം എനിക്ക് അതും ആ പെണ്ണിനോട് .”
എന്‍റെ ആ പെര്‍ഫോമന്‍സില്‍ അവന് വീണു ...ബെസ്റ്റ്‌ഫ്രണ്ടാണെങ്കിലും
അവനൊരു റേഡിയോ
മാങ്കോ ആണ് ! എന്തും നാട്ടില്‍പാട്ടാക്കും .
അല്ലെങ്കിലും പരിശുദ്ധവും പാവനവുമായ എന്‍റെ
പ്രണയം അവനല്ല
...ആരും അറിയണ്ട ...
“ ഇന്നെന്താ പതിവില്ലാതെ , ഇവിടെ ? ”
അയ്യോ ...എന്‍റെ മഞ്ചുകുട്ടിയാണ്....എന്‍റെ മേലാകെ വിറയ്ക്കാന്‍
തുടങ്ങുന്നു
...എങ്കിലും ഞാനുറച്ചു ...പിടികൊടുക്കില്ല ...ഇത്രയും നാള്‍
എന്‍റെ കണ്ണുകളും ഹൃദയവും
പറഞ്ഞതൊന്നും,,മനസ്സിലായില്ലെങ്കില്‍വേണ്ട ....
“ രാവിലെ ന്യൂസ് പേപ്പര്‍ വായിക്കാന്‍ ടൈം കിട്ടിയില്ല .”
കൂടുതല്‍ മുഖം കൊടുക്കാതെ ഞാന്‍ പറഞ്ഞു
.
“ഉം......ഇന്ന് ഫ്രണ്ട്സൊക്കെ അവിടെ തകര്‍ക്കുന്നുണ്ടല്ലോ ,എന്തേ
പോവാത്ത് ? ”
“ എനിക്കതിലൊന്നും ഒരു വിശ്വാസവുമില്ല.”
ഞാന്‍ വെറുതെ ജാടയെടുത്തു.
" എന്തില്‍ ? "
അവള്‍ ചിരിയോടെ ചോദിച്ചു .
" ഈ വാലന്റൈന്സ് ഡേ സെലിബ്രേഷനിലോന്നും .".
ഞാന്‍ കൂട്ടിച്ചേര്‍ത്തു .
" ഓ.കെ ...അപ്പോള്‍ ആരോടും ഇതുവരെ ഒന്നും തോന്നിയിട്ടില്ലേ ?"
"എന്ത് ?"
ഞാന്‍ ഒന്നുമറിയാത്ത കുട്ടിയെ പോലെ അവളെ നോക്കി
" പ്രണയം ! "
"ഉവ്വ് ...അതിന് പ്രത്യേകിച്ചൊരു ദിവസം വേണോ ? "
ഞാന്‍ വേദാന്തിയായി
"വേണമെന്നാണ് എന്‍റെ തോന്നല്‍, എനിക്കീ സെലിബ്രെഷനൊക്കെ വളരെ
ഇഷ്ടമാണ് !ഒരാളോട്
ഇഷ്ടമുണ്ടെങ്കില്‍ അത് തുറന്നു പറയുന്നതൊക്കെ "...
അവള്‍ മനസ്സ് തുറന്നു .
" എന്നിട്ട് ...പറഞ്ഞോ ? "
എന്‍റെ ഹൃദയം വെറുതെ.....ദൈവമേ ഇങ്ങനെയാണോ അറ്റായ്ക്കൊക്കെ
ഉണ്ടാവുന്നത് ? ഞാനല്ലാതെ വേറാരെങ്കിലും ? വല്യ മസിലൊക്കെ
പിടിച്ചിരുന്നത് കുഴപ്പമായോ
?
“ പറഞ്ഞില്ല ...പറയണം ...അല്ല നിനക്ക് എന്നോടിഷ്ടമുണ്ടോ ? സത്യം
പറയണം .കാരണം പിന്നെ
ചോദിച്ചില്ലെന്നു പറയരുതല്ലോ ...”
അവള്‍ സങ്കോചത്തോടെ നിര്‍ത്തി ...അത് എനിക്ക് സന്തോഷമായി
...ഇവള്‍ക്ക് എന്നെ ഇഷ്ടമാണ്
.പിടികൊടുക്കരുത് ഇവളില്‍ നിന്നുതന്നെ
എനിക്കത് കേള്‍ക്കണം .
“ ഇഷ്ടമാണല്ലോ ..എല്ലാ ഫ്രണ്ട്സിനെയും
പോലെ ! ” ഞാന്‍ പറഞ്ഞു .
“ ഓ .കെ .അത്രേ ഉള്ളൂ ..എങ്കില്‍ എനിക്ക് നിന്നോടുള്ളത് എന്താണെന്ന്
നീ കേള്‍ക്കണം ഞാന്‍ പറയുന്നതൊക്കെ മൂളി കേള്‍ക്കണം
റെഡിയാണോ ? ” കുസൃതിയോടെ അവള്‍ ചോദിച്ചു ,
“ ചോദിയ്ക്ക് ...ചോദിയ്ക്ക് ................”
എന്‍റെ മനസ്സ് പറഞ്ഞു. അതിനല്ലേ ഞാനിവിടെ ഉച്ചയൂണ് പോലും
കഴിയ്ക്കാതെ കാത്തിരുന്നത്
....എന്‍റെ കണ്ണുകള്‍ അവളിലെയ്ക്ക് നീണ്ടു .
..അവള്‍ തുടങ്ങി എന്‍റെ കണ്ണുകളിലേയ്ക്ക്
നോക്കികൊണ്ടുതന്നെ ..........
“ എനിക്ക് നിന്നോട് ...”
“ ഉം ”
"കടലു പോലെ ........."
"ഉം"
"അല്ലല്ല ....ആകാശം പോലെ ........."
"ഉം"
" സ്നേഹം............."
“ ഉം ...സ്നേഹം ?”
അത്രയുമായപ്പോഴെയ്ക്കും അവളുടെ സ്നേഹം നിറഞ്ഞുകവിഞ്ഞ്.
ഞാനതില്‍ മുങ്ങിത്താഴുമോ എന്ന്
ഞാന്‍ പേടിച്ചു .
അവള്‍ വീണ്ടും പറഞ്ഞു
" സ്നേഹം..............."
"ഉം........................പറയൂ ...."
"സ്നേഹമില്ല......ഇല്ല .....ഒരു തരിപോലും ഇല്ലല്ലോ ”
ഒരു പൊട്ടിച്ചിരിയോടെ അതും പറഞ്ഞ് അവിടെ നിന്നും അവള്‍
ഇറങ്ങിപ്പോകെ ആശ്വാസത്തോടെ ഞാന്‍ വിയര്‍ത്തൊഴുകുന്ന മുഖം
തുടച്ചു....എന്നിട്ട്
മനസ്സില്‍ ഉറപ്പിച്ചു ....
“ എന്‍റെ പ്രിയപ്പെട്ടവളെ ഇതാണ് നമ്മുടെ
പ്രണയം ! പറയാതെ നീ
പറഞ്ഞ പ്രണയത്തിന്‍റെ മധുരം പുറമെ നടക്കുന്ന ബാഹ്യമായ ഈ
ആഘോഷങ്ങള്‍ക്ക്
ചിന്തിക്കാവുന്നതിനുമൊക്കെ എത്രയോ മുകളിലാണ്! ”
