മൈക്രോ കവിതകള്‍ മിനി പി .സി
മനസ്സ്
" മാനം പോലെ മനസ്സുണ്ടെന്നു പറഞ്ഞവര്‍
മനസ്സില്ലെന്നിന്നു പറയുമ്പോള്‍
മനസ്സിലാക്കാനാവുന്നില്ലെനിക്കവരുടെ
മാനസികാവസ്ഥ ! "
അവസ്ഥാന്തരങ്ങള്‍
" ഞാനൊരു കൊക്കൂണായിരിക്കെ
എന്‍ നേര്‍ക്കു നീണ്ട നിങ്ങടെ കണ്‍കളില്‍
പുച്ഛത്തിന്‍റെ ചുവപ്പുരാശിയായിരുന്നു
!
പിന്നൊരു പുഴുവായപ്പോഴോ ?
അവജ്ഞയോടെന്നെ തുറിച്ചുനോക്കി
!
ഒടുവിലൊരു ശലഭമായ് പറന്നുപൊങ്ങെ
....
ആകാംഷയോടെന്നെ നോക്കി
നിന്ന നിങ്ങളറിഞ്ഞില്ല
അവസ്ഥാന്തരങ്ങളില്‍
വിണ്ടു കീറിപ്പോയൊരീ
'പാവം മനസ്സ് ' ! "
