എല്ലാ ചങ്ങാതിമാര്ക്കും എന്റെ സ്നേഹം നിറഞ്ഞ വിഷു ആശംസകള്!
കവിത മിനി.പി.സി
വിഷുക്കണി
“ മുരളികയൂതി കള്ളച്ചിരിയാര്ന്നു
നില്ക്കുമെന് കണ്ണാ കാണുന്നു
ഞാനിന്നു നിന് ശ്യാമമുഖകമലം
മരതകകാന്തിയോലുമീ
കൊന്നപ്പൂങ്കുലകള്ക്കിടയില്
പുതുസ്വപ്നങ്ങള് പകര്ന്നേകും
പ്രഭയാര്ന്നു നില്ക്കുമീ നിലവിളക്കും
ഓട്ടുരുളിയും പൊന്നാണ്യങ്ങളും
കണ്മഷിക്കൂട്ടും,കുങ്കുമചെപ്പും,
കണിവെള്ളരിയും ,വാല്ക്കണ്ണാടിയില്
തെളിയുമെന് പ്രസന്ന വദനവും
ഇനിയെന്നും പുതുതാര്ന്നിരിയ്ക്കാന്
വരിക കണ്ണാ വന്നു നീയെന് മനതാരില്
പാടുക വിഷുപക്ഷിയായ് ഇനിയെല്ലാ നാളിലും !”
