Sunday, July 15, 2012

എന്‍റെ മൈന

കവിത                                                                                  മിനി.പി.സി

എന്‍റെ മൈന         


"
ഞാനെന്‍റെ മൈനയെ തുറന്നു വിട്ടു ,"
അവള്‍ ചിറകുകള്‍ കുടഞ്ഞ്,
തത്തിത്തത്തി  ദൂരേക്ക്........           പറന്നകന്നു !
മാര്‍ഗഴിയില്‍ പൂക്കുന്ന മല്ലികത്തോട്ടത്തിനപ്പുറം,
മാതളം പൂക്കുന്ന കാടുകളില്‍,
പ്രിയനെ തിരഞ്ഞവള്‍ പോയതാകാം !
.............................................................................
ഒരു പ്രണയാര്‍ദ്ര സന്ധ്യയില്‍
കൂടണയാന്‍ പറന്ന കിളിയെ
എനിക്ക് പിടിച്ചു തന്നത് അവനായിരുന്നു
എന്‍റെ ഒഴിഞ്ഞ കൂട്ടില്‍,പാട്ടും പരിഭവങ്ങളും
എന്‍റെ ഏകാന്തതയില്‍ ഒരിത്തിരി അലോസരം....
അതാണവന്‍ ആശിച്ചത് !
അവന്‍ വരും വരെ ,എനിക്കൊരു കൂട്ട് !
...................................................................................
മൈനയ്ക്കെന്നെ പേടിയായിരുന്നു
അവളുടെ കലമ്പലുകള്‍ എനിക്കരോചകങ്ങളും
ഒരിക്കല്‍ പോലും പാടത്ത മൈനയെ
ഞാനിഷ്ടപ്പെടുന്നതെങ്ങിനെ ?
ഋതുക്കള്‍ കൊഴിഞ്ഞു വീഴവെ
ഞങ്ങളിലെ വെറുപ്പലിഞ്ഞലിഞ്ഞു സ്നേഹമായ്
അവളെനിക്കായ്  പാടിത്തുടങ്ങി !
ആ പാട്ടുകളിലൂടെ ആരും ആര്‍ക്കും പകരമാവില്ലെന്ന
സത്യം അവളെന്നെ ഓര്‍മിപ്പിച്ചു .
അപ്പോള്‍ ഞാനവനെഴുതി ,
മൈനയെ തുറന്നു വിടുന്നു
ആരും എനിക്ക് പകരമായിട്ടില്ലെങ്കില്‍
നീ വരിക ..........ഞാന്‍ കാത്തിരിയ്ക്കും "

12 comments:

  1. തുറന്നു വിട്ട മൈന പറന്നുപോകുമ്പോള്‍ പാടുന്ന പാട്ടായിരുന്നിരിയ്ക്കും ഏറ്റം മനോഹരമായിത്തോന്നിയത്

    ReplyDelete
    Replies
    1. മിനി.പി.സിJuly 17, 2012 at 10:16 AM

      അതെ !
      അജിത്തേട്ടാ , പ്രോത്സാഹനങ്ങള്‍ക്ക് ഹൃദയംഗമമായ നന്ദി .ഈ ബ്ലോഗു ലോകത്ത്‌ പിച്ചവെച്ചു തുടങ്ങിയിട്ടല്ലെ ഉള്ളൂ ,രീതികളൊന്നും അറിയില്ല .ആവശ്യമായ നിര്‍ദേശങ്ങളും പ്രോത്സാഹനങ്ങളും
      തന്ന് ,നിങ്ങളുടെ ആ വലിയ ഫാമിലിയിലെ ഒരു മെമ്പര്‍ ആക്കുമെന്ന് പ്രത്യാശിക്കുന്നു.

      Delete
  2. "മല്ലിക പൂക്കുന്ന തോട്ടതിനപ്പുറം മാതളം പൂക്കുന്ന
    കാട്ടില്‍ തന്റെ പ്രിയനോടുത്തു മൈന ഇപ്പോഴും പാടി നടക്കുന്നു
    ഒരിക്കലും മരിക്കാത്ത പ്രണയത്തിന്റെ വിരഹ മനോഹര ഗാനം "

    ReplyDelete
    Replies
    1. മിനി.പി.സിSeptember 7, 2012 at 1:45 PM

      നന്ദി മനു

      Delete
  3. കൊള്ളാം മിനി,

    ആര്‍ക്കും ആര്‍ക്കും പകരമാവുകയില്ല, നഗ്ന സത്യം...!

    സ്നേഹത്തിന്റെ കവിതയ്ക്ക് ആശംസകള്

    ReplyDelete
  4. തുറന്നു വിട്ടതിനാൽ ആയിരിക്കും മറഞ്ഞ് ദൂരേക് പോയത്

    ആശംസകൾ

    ReplyDelete
    Replies
    1. സ്വതന്ത്രരാക്കപെടുമ്പോള്‍ ഓരോ ജീവിയും ആദ്യം ഓര്‍ക്കുക തങ്ങള്‍ക്ക് ഏറ്റവും പ്രിയപ്പെട്ടവരെ ആയിരിക്കും അല്ലെ ഷാജു .അതാവും അവളും പറന്നു മറഞ്ഞത് .

      Delete
  5. നല്ല വരികള്‍ ..മൈനയെ എനിക്കും വളരെ ഇഷ്ടമാണൂ..പ്രത്യേകിച്ചും ..കാട്ടു മൈനയെ...നീര്‍ത്തടങ്ങളില്‍ പ്രാഞ്ചിപ്പറക്കുകയും രാത്രിയില്‍ ഇമ്പമുള്ള നല്ല ഈണത്തില്‍ ഇണയെ വിളിക്കുകയും ചെയ്യുന്ന കാലു നീളമുള്ള ഉടല്‍ മൈനയുടേത് പോലുള്ള കാട്ടു മൈനയെ...മൈനകളെ തുറന്നു വിടുന്നതാണു നല്ലത് അവര്‍ പാടി പാറി പറക്കട്ടെ...മനോഹരങ്ങളായ ഈ വരികള്‍ക്ക് ആശംസകള്‍ മിനി..!!

    ReplyDelete
    Replies
    1. മൈനകളെ സ്നേഹിക്കുന്ന നീലക്കുറിഞ്ഞിക്ക് നന്ദി .

      Delete
  6. തുറന്നു വിട്ടത് സ്നേഹമാണ് ...
    പാടി പറന്നത് സ്വാതന്ത്ര്യം ആണ് ...
    നല്ല വരികള്‍ മിനി
    ആശംസകളോടെ
    അസ്രുസ്

    ReplyDelete