Saturday, February 9, 2013

സാന്ത്വനം

കവിത                                                                                       മിനി .പി .സി 




                                                     സാന്ത്വനം 



"പുറമെ   പൊള്ളുന്ന മേടച്ചൂട് 
ഉള്ളിലെ നെരിപ്പോടും കനലണയാതെ കത്തുന്നു
ആരോ  പറഞ്ഞു
 "പോകൂ ,ആ    കാടിനപ്പുറം
 നിനക്ക് സാന്ത്വനമുണ്ട് . "
 അതൊരു കളവായിരുന്നു
 ആ കാട്ടിനപ്പുറം ഇരുണ്ടു ശൂന്യമായിരുന്നു
ആ ഇരുണ്ട ശൂന്യതയില്‍
എനിക്കെവിടെ നിന്ന് കിട്ടും സാന്ത്വനം ?
                                   
                                    എന്‍റെ  ഉഷ്ണം  ഇരട്ടിച്ചു
                                      മുറ്റത്തെ മഞ്ഞ മന്ദാരങ്ങളില്‍ ...
                                      മാവിന്‍റെ തളിര്‍ത്ത ചില്ലയിലെ
                                      പേരറിയാക്കിളികളില്‍ .....
                                      പരിചിത മുഖങ്ങളില്‍ ....
                                       എവിടെ  എവിടെയാണ്  സാന്ത്വനം ?

സാന്ത്വനം തേടി  ഒടുവിലെന്നോ ഞാനീ ,
ക്രൂശിത രൂപത്തിന്‍ മുന്‍പില്‍
നമ്രശീര്‍ഷയാകവേ ...
എന്‍റെ  ഉടലിലാകെ
സാന്ത്വനത്തിന്‍റെ  ഇളം മഞ്ഞിഴയുന്നു
എന്‍റെ  മിഴികളിലൂടെ
സ്നേഹത്തിന്‍  തെളിനീരൊഴുകുന്നു
എന്‍റെയുള്ളിലെ  കത്തുന്ന വേനല്‍
ഒരു വസന്തത്തിനായ്‌  വഴിമാറുന്നു
എന്‍റെയോരോ  അണുവിലും
എന്‍റെ നാഥന്‍റെ സ്നേഹം  നിറയുന്നു
ഈ  കുന്തിരിക്കത്തിന്‍ പുകമറയ്ക്കുള്ളില്‍
എന്‍റെ   നാഥന്‍റെ  കരവലയങ്ങളില്‍
ഇന്ന് ഞാനറിയുന്നു  യഥാര്‍ത്ഥ  സാന്ത്വനം  . "

30 comments:

  1. ഇന്ന് ഞാനറിയുന്നു യഥാര്‍ത്ഥ സാന്ത്വനം ..അതെ നല്ല സാന്ത്വനം കിട്ടുന്ന വരികള്‍ .നന്നായിട്ടുണ്ട് . ആദ്യത്തെ കമെന്റ്സ് ഇടാന്‍ ഭാഗ്യം കിട്ടി.തിരയുടെ ആശംസകള്‍

    ReplyDelete
    Replies
    1. തിരയ്ക്ക് എന്‍റെ സ്നേഹത്തില്‍ പൊതിഞ്ഞ നന്ദി !

      Delete
  2. സംരക്ഷണം വേലി കെട്ടിനുള്ളില്‍ അല്ല സ്നേഹമുള്ള കരങ്ങളില്‍ ആണ്
    നല്ല വരികള്‍

    ReplyDelete
    Replies
    1. വേലിക്കെട്ടുകള്‍ നമ്മെ എപ്പോഴും ശ്വാസം മുട്ടിയ്ക്കും ,സ്നേഹമുള്ള കരങ്ങള്‍ നമുക്ക് ആശ്വാസവും കരുതലും പകരും .

      Delete
  3. അതെ, നാഥന്റെ സ്‌നേഹസാന്നിദ്ധ്യത്തിലാണ് യഥാര്‍ത്ഥ സാന്ത്വനം അനുഭവിക്കാനാവുന്നത്. നല്ല കവിത. ആശംസകള്‍...

    ReplyDelete
  4. ഈശ്വരനേ തേടീ ഞാന്‍ നടന്നൂ
    കടലുകള്‍ കടന്ന് ഞാന്‍ തിരഞ്ഞൂ
    അവിടെയുമില്ല ഇവിടെയുമില്ല ഈശ്വരന്‍
    വിജനമായ ഭൂവിലുമില്ലീശ്വരന്‍ .......
    അവസാനം എന്നിലേക്ക് ഞാന്‍ തിരിഞ്ഞൂ
    ഹൃദയത്തിലേക്ക് ഞാന്‍ കടന്നൂ
    അവിടെയാണ് ഈശ്വരന്റെ വാസം
    സ്നേഹമാണീശ്വരന്റെ രൂപം.........!
    """ആ കരുണയുടെ കരവലയത്തില്‍
    ആ നല്ലയിടയന്റെ ഹൃത്തില്‍ ..
    സ്വാന്തനത്തിന്റെ തെളിനീരില്‍ .. നിറയട്ടെ മനസ്സും ലോകവും ...! """

    ReplyDelete
    Replies
    1. നന്ദി ശബരി ഇതിലെ വന്നതിന് .

      Delete
  5. അറിയില്ല നീ എന്നെയെങ്കിലും ....
    അറിയുന്നു ഞാനെന്നും സ്വന്തമായി ....
    അന്ന് നീ കുരിശുമായി ..വീഴുമ്പോള്‍ ...
    അന്ന് , ഈ ഞാനും വഴി വക്കില്‍ നിന്നിരുന്നു ..
    നിന്റെ ദുഃഖങ്ങള്‍ മാത്രമല്ലെന്റെ തൂവാലയില്‍ ..
    നിന്റെ ദുഖങ്ങളും ഞാന്‍ പിടിച്ചുവാങ്ങി ..
    എന്റെയീ ജന്മവും നിനക്കുവേണ്ടി...
    എന്റെ ശിരസ്സില്‍ ഓരോ കല്ലുകള്‍ വീഴുമ്പോഴും ..
    ഈ മേരി നിന്നെ തിരിച്ചറിഞ്ഞു ..
    തുറക്കാത്ത വാതിലുകള്‍ക്കായി ......

    ReplyDelete
    Replies
    1. നിന്റെ ദുഃഖങ്ങള്‍ മാത്രമല്ലെന്റെ തൂവാലയില്‍ ..(എന്‍റെ ദുഖങ്ങള്‍ ) എന്നല്ലേ ......
      മേരിയെ മനസിലാക്കിയ സ്നേഹം ! നന്ദി സര്‍ .

      Delete
  6. Replies
    1. ഷാജു ഈ ആശംസകള്‍ക്ക് എന്‍റെ സ്നേഹത്തില്‍ ചാലിച്ച നന്ദി .

      Delete
  7. ഏവര്‍ക്കും ദൈവം തുണയായിരിക്കട്ടെ.

    ReplyDelete
    Replies
    1. തുണയും സ്നേഹവും സാന്ത്വനവും സന്തോഷവും പകരുന്ന ദൈവം അല്ലെ ജോസ്‌ലെറ്റ്‌ .

      Delete
  8. ഇല്ലാതായ്ക്കൊണ്ടിരിക്കുന്നത് സ്നേഹമാണ്.
    മനസ്സിലെ ആര്‍ത്തി കുറയുന്നതിനനുസരിച്ച് സ്നേഹം പെരുകും.
    സ്വാന്തനം തേടി നന്നായി.

    ReplyDelete
    Replies
    1. മിനിപിസിFebruary 10, 2013 at 7:49 PM

      സ്നേഹം വഴിഞൊഴുകുന്ന മനസുള്ള മനുഷ്യരുടെ ലോകം അതെത്ര മനോഹരമായിരിക്കും അല്ലെ സര്‍ !

      Delete
  9. സന്മനസ്സുള്ളവര്‍ക്ക് സമാധാനം

    ReplyDelete
    Replies
    1. മിനിപിസിFebruary 10, 2013 at 7:52 PM

      ഈ സന്മനസ്സ് അതാണ്‌ പലര്‍ക്കും പ്രശ്നം അജിത്തേട്ടാ .

      Delete
  10. വിശ്വാസം - അതല്ലേ എല്ലാം!

    ReplyDelete
    Replies
    1. മിനിപിസിFebruary 10, 2013 at 7:53 PM

      വിശ്വാസം , പ്രത്യാശ പിന്നെ സ്നേഹം !~

      Delete
  11. മനസ്സിലെ നന്മയും സ്നേഹവും ആണ് നമ്മള്‍ തിരഞ്ഞു കൊണ്ടിരിക്കുന്നത്...

    ReplyDelete
  12. മിനിപിസിFebruary 11, 2013 at 1:29 PM

    കസ്തൂരിമാനിനെ പോലെ അല്ലെ മുബി ?

    ReplyDelete
  13. ആ കാട്ടിനപ്പുറം ഇരുണ്ടു ശൂന്യമായിരുന്നു ആ ഇരുണ്ട ശൂന്യതയില്‍
    എനിക്കെവിടെ നിന്ന് കിട്ടും സാന്ത്വനം ? ആ ചോദ്യത്തിനുള്ള ഉത്തരം ഇനിയും തേടേണ്ടിയിരിക്കുന്നു.

    ReplyDelete
    Replies
    1. മിനിപിസിFebruary 12, 2013 at 7:42 PM

      കാത്തീ , ഉത്തരംകിട്ടാത്ത ഒരു ചോദ്യമായി അത് അവശേഷിക്കുമോ , ആവോ ?

      Delete
  14. സാന്ത്വനമാണ് എല്ലാവർക്കും വേണ്ടത്;
    പ്രത്യേകിച്ചും ഈ കരൾ പിളരും കാലത്ത്.
    അതു കിട്ടിയവർ ഭാഗ്യവാന്മാർ/വതികൾ!

    (നമ്രശീഷ്ക എന്നത് നമ്രശിരസ്ക എന്നോ നമ്രശീർഷ എന്നോ മാറ്റിയാൽ കൊള്ളാം.)

    ReplyDelete
  15. മിനിപിസിFebruary 12, 2013 at 7:40 PM

    ജയന്‍ വളരെ നന്ദി ,ഇപ്പോള്‍ത്തന്നെ തെറ്റു തിരുത്താം .

    ReplyDelete
  16. സാന്ത്വനം തേടിയാണ്‌ ആളുകൾ ഇന്ന്‌ പരക്കം പായുന്നത്‌. അത്‌ ലഭിച്ച കവയിത്രി എത്ര ഭാഗ്യവതി !

    ReplyDelete
    Replies
    1. നന്ദി സര്‍ ഈ പ്രോത്സാഹനങ്ങള്‍ക്ക് !

      Delete
  17. ഈ കാലഘട്ടത്തിൽ വലരെ റെയറായി
    കിട്ടുന്ന ഒരു സാധനമാണല്ലോ സാന്ത്വനം..അല്ലേ മിനി

    ReplyDelete
    Replies
    1. തീര്‍ച്ചയായും ...അതും മനുഷ്യരില്‍ നിന്നും കിട്ടുന്നത് ക്ഷണികവും അല്ലെ !

      Delete