Sunday, September 30, 2012

സ്പന്ദിക്കുന്ന ടാജ്മഹല്‍



ചെറുകഥ                                      മിനി .പി.സി

 

സ്പന്ദിക്കുന്ന  താജ്മഹല്‍

 രാത്രിമഴ  തോര്‍ന്നമര്‍ന്നപ്പോള്‍  ഉയര്‍ന്നു  കേട്ട  കരിവണ്ടിന്‍റെ  ചിറകടി
ശബ്ദം  എന്നെ വല്ലാതെ വേദനിപ്പിച്ചു.. .. അതൊരു രോദനമായിരുന്നു 
,ശോകസംഗീതമായിരുന്നു.മഴയില്‍ ഒലിച്ചുപോയ  തന്‍റെ പ്രിയതമയെകുറി
ച്ചുള്ള ഓര്‍മകളായിരുന്നു   രോദനത്തില്‍ മുഴങ്ങിക്കേട്ടത് ! ഞാന്‍
എന്‍റെ  കരിമ്പടം  നീക്കി  പതിയെ ചെവിയോര്‍ത്തു, ...ആ രോദനം
എന്‍റെ  ജാലകവിരിയ്ക്കുള്ളില്‍നിന്നായിരുന്നു. അകത്തേക്ക്
വീശിയടിക്കുന്ന കാറ്റിനൊപ്പം അടയാത്ത    ജാലകപ്പാളികളിലൂടെ
പാറിവീണതാകാം  ആ കരിവണ്ട് !
          
             എനിക്കതിനെ ആശ്വസിപ്പിക്കണമായിരുന്നു.................ഒരിക്കലും
നികത്താനിടയില്ലാത്ത നഷ്ടങ്ങളെ ഓര്‍ത്ത് വിലപിക്കുന്ന ആ മനസ്സിനെ
തഴുകിയുറക്കണമായിരുന്നു . ഞാനതിന്‍റെ  ശിരസ്സില്‍ പതിയെ തലോടി,
പക്ഷെ ആശ്വസിപ്പിക്കാന്‍ ശ്രമിക്കും തോറും അതിന്‍റെ  വേദന മൂര്‍ച്ചി_
_ക്കുന്നതറിഞ്ഞ് ഞാനാ പാഴ്ശ്രമം മതിയാക്കി .അപ്പോള്‍ ഞാനോര്‍ത്തത്
അതിന്‍റെ പ്രണയിനിയെക്കുറിച്ചായിരുന്നു, ഭാഗ്യവതി ! അസാന്നിധ്യത്തിലും സ്മരിക്കപ്പെടുക, അധികമായി സ്നേഹിക്കപ്പെടുക...
അപൂര്‍വവും ,അസുലഭവുമായ ഭാഗ്യം! ഈ ലോകത്ത് തനിക്കായി 
സ്പന്ദിക്കുന്ന താജ്മഹലായി മാറിയ തന്‍റെ  പ്രിയനെയോര്‍ത്ത്
അവള്‍ക്ക് അഭിമാനിക്കാം.
          അപ്രതീക്ഷിതമായി പൊട്ടിയ ഇടിയുടെ ആഘാതത്തില്‍
തെരുവ് വിളക്കുകള്‍ കണ്ണടച്ചപ്പോള്‍ ഞാന്‍ എന്നെക്കുറിച്ചോര്‍ത്തു.
അന്ന്  ആക്സിഡെന്‍റ്റില്‍ ഒരു കാല്‍നഷ്ടമായതറിഞ്ഞ് ഫോണിലൂടെ
ടേക്ക്  കെയര്‍,ബൈ ബൈ എന്ന് പറഞ്ഞു പിരിഞ്ഞ എന്‍റെ
പ്രാണപ്രിയനായിരുന്നവനെ ഓര്‍ത്തു ! മനുഷ്യര്‍ക്കിടയിലെ സൗഹൃദവും
പ്രണയവുമൊക്കെ ചിലപ്പോഴെങ്കിലും വൈകല്യങ്ങള്‍ക്കു  മുന്‍പില്‍
വഴിപിരിയുന്നുവെന്ന തിരിച്ചറിവില്‍ എന്‍റെ തലയിണ
വീണ്ടും  കണ്ണീരില്‍ കുതിര്‍ന്നു...അപ്പോള്‍ അതുവഴി പാറിയ
മിന്നാമിനുങ്ങുകളുടെ ഇത്തിരി വെട്ടത്തില്‍ എന്നെ ഉറ്റുനോക്കുന്ന
കരിവണ്ടിനെ  ഞാന്‍ കണ്ടു.അപ്പോള്‍   ഞങ്ങളുടെ  കണ്‍കോണുകളില്‍   ഉരുണ്ടു  കൂടിയ   കണ്ണീര്‍ക്കണങ്ങള്‍ക്ക്  ഒരേ നിറമായിരുന്നു !
       
         അതെന്നെ അലിവോടെ അല്‍പ്പനേരം നോക്കിയിരുന്നു ,പിന്നെ
എന്നോടാ കഥ പറഞ്ഞു തുടങ്ങി..ഒരു വസന്തത്തില്‍ ഗന്ധമാദനത്തിലെ
പൂവാടികളിലലയവെ ആദ്യമായ് അവളെ കണ്ടുമുട്ടിയത്,
മനസസരസ്സിലെ താമരയല്ലികളിലെ പൂന്തേനുണ്ണവേ
ഇഷ്ടമറിയിച്ചത്..ഒടുവില്‍..ഒടുവില്‍ എന്നോ തകര്‍ത്തു പെയ്ത ഒരു
രാത്രിമഴ അവളെ  തന്നില്‍നിന്നകറ്റിയത്! പ്രിയതമയുടെ  ഓര്‍മ്മകള്‍
പേറി ജീവിക്കുന്ന ആ സ്പന്ദിക്കുന്ന താജ്മഹലിനെ
ആശ്വസിപ്പിച്ചുകൊണ്ട് ഞാനെപ്പോഴോ ഒന്ന് മയങ്ങിപ്പോയി .

        പ്രഭാതത്തില്‍കഴിഞ്ഞതൊക്കെ സ്വപ്നമായിരുന്നോ ,
സത്യമായിരുന്നോ എന്ന  ഹാലൂസിനേഷനില്‍ ഞെട്ടിയുണര്‍ന്ന് എന്‍റെ
തലയിണയ്ക്കരികില്‍ അവനെ തിരയവേ അതിശയത്തോടെ അമ്മ
പറഞ്ഞു ,
കുട്ടീ  ദാ  നോക്കൂ  വല്യൊരു   കരിവണ്ട് !      നിന്‍റെ 
തലയിണയ്ക്കരുകില്‍നിന്നു കിട്ടീതാ ,ഇത്രേം വലുതിനെ ഞാനാദ്യമായിട്ടാ
കാണണെ ! എത്ര അടിച്ചിട്ടാ ഇത് ചത്തതെന്ന് അറിയ്വോ ? ”
ഞാന്‍ അമ്മയെ  ദയനീയമായി  നോക്കി . എന്‍റെ   നോട്ടത്തിന്‍റെ
അര്‍ത്ഥമറിയാതെ മിഴിച്ചു നിന്ന അമ്മയ്ക്ക് മുന്‍പിലൂടെ സ്പന്ദനം
നിലച്ച ആ പ്രണയ സൌധവുമായി  ഞാന്‍എന്‍റെ ഉദ്യാനത്തിലേക്ക്
നടന്നു...ഒരിക്കലും ഒരാളും  ഒരു വണ്ടിനും കൊടുത്തിട്ടില്ലാത്തത്രയ്ക്ക്
മഹത്തരമായ ഒരു സംസ്കാര  ശുശ്രൂഷയ്ക്കൊടുവില്‍ ആ
മണ്‍കൂനയ്ക്കു  മുന്‍പില്‍ കൈകൂപ്പി ഞാന്‍ പ്രാര്‍ത്ഥിച്ചു .
 പുനര്‍ജന്മമെന്നൊന്നുണ്ടെങ്കില്‍  നീ എനിക്കായി പുനര്‍ജനിക്ക ,
ഗന്ധമാദനത്തിലെ  കാറ്റേല്‍ക്കാന്‍ , മാനസസരസ്സിലെ താമരയല്ലികളിലെ
പൂന്തേന്‍ നുകരാന്‍ എന്നെയും കൊണ്ടുപോവുക .


17 comments:

  1. പുനര്‍ജന്മമെന്നുണ്ടെങ്കില്‍നീ എനിക്കായി പുനര്‍ജനിക്ക ,
    ഗന്ധമാദനത്തിലെ കാറ്റേല്ക്കാന്‍ , മനസസരസ്സിലെ താമരയല്ലികളിലെ...
    നല്ല വരികൾ
    ആശംസകൾ

    ReplyDelete
    Replies
    1. മിനി.പി.സിOctober 4, 2012 at 10:30 PM

      നന്ദിയും സ്നേഹവും അറിയിക്കുന്നു .

      Delete
  2. നല്ല ഭാവന. അവസാന വരികള്‍ നന്നായിരിക്കുന്നു..

    ReplyDelete
    Replies
    1. മിനിപിസിOctober 4, 2012 at 10:31 PM

      നന്ദി സുഹൃത്തെ

      Delete
  3. ചെറുതും മനോഹരവുമായ കഥ.
    പുനര്‍ജന്മമെന്നുണ്ടെങ്കില്‍നീ എനിക്കായി പുനര്‍ജനിക്ക ,
    ഗന്ധമാദനത്തിലെ കാറ്റേല്ക്കാന്‍ , മനസസരസ്സിലെ താമരയല്ലികളിലെ
    തേന്‍ നുകരാന്‍ എന്നെയും കൊണ്ടുപോവുക.
    ഈ വരികള്‍ സൂപ്പര്‍.

    ReplyDelete
    Replies
    1. മിനിപിസിOctober 4, 2012 at 10:32 PM

      നന്ദി ശ്രീ ,ഈ സന്ദര്‍ശനത്തിന് !

      Delete
  4. ഇഷ്ടായിട്ടോ

    ReplyDelete
    Replies
    1. മിനിപിസിOctober 4, 2012 at 10:33 PM

      ആ വഴി വരുന്നുണ്ട് ,കുറെ തിരക്കുകള്‍ ഉണ്ടായിരുന്നു .

      Delete
  5. പുനര്‍ജന്മമെന്നുണ്ടെങ്കില്‍നീ എനിക്കായി പുനര്‍ജനിക്ക

    ഇഷ്ടപെട്ടു

    ReplyDelete
    Replies
    1. മിനിപിസിOctober 10, 2012 at 11:05 AM

      നന്ദി സുമേഷ്‌

      Delete
  6. കഴിഞ്ഞ രണ്ട് കഥകളുടെയത്ര ഇഷ്ടായില്ല. പക്ഷേ, കവിത പോലെ...നല്ല നനുത്ത, മൃദുവായ വാക്കുകൾ!

    ReplyDelete
    Replies
    1. ചീരാ മുളകേ...............നന്ദി !

      Delete
  7. “ പുനര്‍ജന്മമെന്നുണ്ടെങ്കില്‍നീ എനിക്കായി പുനര്‍ജനിക്ക ,
    ഗന്ധമാദനത്തിലെ കാറ്റേല്ക്കാന്‍ , മനസസരസ്സിലെ താമരയല്ലികളിലെ
    തേന്‍ നുകരാന്‍ എന്നെയും കൊണ്ടുപോവുക .

    ആശംസകള്‍....

    ReplyDelete
    Replies
    1. ഫയസ് നന്ദി ഇതിലെ വന്നതിന്,ആശംസകള്‍ക്ക് കൂടാതെ മെറി ക്രിസ്തുമസ് !

      Delete
  8. മൃദുലപദസഞ്ചയമാണല്ലോ....
    അവസാന വരികള്‍ വളരെ നന്ന്

    ReplyDelete
  9. മിനി പിസിJuly 19, 2013 at 6:37 PM

    നന്ദി എച്മു .

    ReplyDelete