മിനിക്കഥ മിനി.പി.സി
അവര്
അയാളുടെ കാലടികള് നോക്കി അവര് പിറുപിറുത്തു ,
"ഏയ് ഇയാളുടെ നടപ്പ് ശരിയല്ല ! ഒരുവേള ,മുടന്തനാവാം ,
അല്ലെങ്കില് തട്ടിവീണതാവാം ,മുടന്തോ ,വീഴ്ച്ചയിലേററ മുറിവോ ?
ഈ കാലടികളാണോ ,നാം പിന്തുടരേണ്ടത് ? അവര് ചിരിയായി ,
പരിഹാസത്തിന്റെ മുള്ളുകള്ഒളിപ്പിച്ച
കൂര്ത്ത ചിരി !ആ ഓരോ
ചിരിയമ്പുകളും ,അയാളുടെ ലോലഹൃദയത്തെ , മുറിവേല്പ്പിച്ചു
!
അയാളുടെ , സ്നേഹം , ആത്മാര്ത്ഥത , ത്യാഗം എല്ലാമെല്ലാം
വിമര്ശിക്കപ്പെട്ടുകൊണ്ടിരുന്നു
.
ആ വിമര്ശനങ്ങള് കേട്ടുകേട്ട് ,
സുഷിരങ്ങള് വീണ മനസ്സുമായി അയാള് മരിച്ചുവീണു!
അപ്പോള്,ഉറുമ്പരിക്കുന്ന
റീത്തെടുത്ത് അയാളുടെ നെഞ്ചില്വെച്ച്
അവര് പറഞ്ഞു '' വളരെ നല്ലവനായിരുന്നു !എന്തേ അറ്റാക്ക്
വരാന് കാര്യം ? ഒരുവേള
കൊളസട്രോള് കൂടിയതാവാം.....,
അല്ലെങ്കില്, ഞങ്ങളുടെ , അഭിനന്ദനങ്ങളുടെ , ബാഹുല്യവുമാകാം !"
കിസ്സ്
വിരസവും ,സങ്കീര്ണവുമായ അനാട്ടമി ക്ലാസ്സിന്റെ ബോറടി ,മാറ്റാനാണ്
അയാള്,തന്റെ പ്രിയതമയോട് ഒരു ചുംബനം ചോദിച്ചത് !
ആരും കാണാതെ , ആരും അറിയാതെ , ക്ലാസിനു തടസം വരാതെ അവള് മനോഹരമായ കൈവെള്ളയിലൂടെ ഊതിപറപ്പിക്കുന്ന നിഷ്കളങ്കമായ ഒരു “ കുഞ്ഞുമ്മ ”!
തലേന്ന് തങ്ങള്, കീറി മുറിച്ചു പഠിച്ച
മനുഷ്യ ശരീരത്തിന്റെ കണ്ണുകളിലെ തുറിച്ചു നോട്ടവും ,ഫോര്മാലിന്ഗന്ധവും,മോര്ച്ചറിയിലെ കനത്ത നിശബ്ദതയും , ശ്വാസനാളത്തിലൂടെ അരിച്ചിറങ്ങിയ മരണത്തിന്റെ, മഞ്ഞിന്തണുപ്പുമൊക്കെ അയാള്ക്ക് മറന്നു കളയണമായിരുന്നു .
പക്ഷെ തന്റെ കട്ടി കണ്ണടചില്ലുകള്ക്കിടയിലൂടെ സര്വതും
കണ്ടറിഞ്ഞ അനാട്ടമി പ്രൊഫസ്സര്
ഡോ:ജോണ്തര്യന്തന്റെ
സ്വതസിദ്ധമായ കൌശലത്തോടെ അവരെ ക്ലാസിനു
കാഴ്ചയാക്കി .
“ടെല് മി ,വാട്ട് ഈസ് ദി മെഡിക്കല്
ഡഫനിഷന് ഓഫ് കിസ്സ് ?”
“കിസ്സിന്റെ വൈദ്യശാസ്ത്ര നിര്വചനമറിയാത്ത അവര് രണ്ടു പേര്ക്കും ആയിരത്തൊന്നു തവണ ഇംപെസിഷന്വിധിച്ചു
കൊണ്ട് അദ്ദേഹം വിശാലമായ
ബ്ലാക്ബോര്ഡില് എഴുതി ,
